Bella Abzug, d'orixe Bella Savitzky (24 de xunetu de 1920, Nueva York – 31 de marzu de 1998, Nueva York), foi una abogada y política estauxunidense d'orixe xudíu.
Estudió abogacía na Universidá de Columbia y darréu asumió numberosos casos sobre matrimonios, llibertaes civiles y derechos civiles, representando a diverses persones acusaes pol senador Joseph McCarthy. Fundó y dirixó (1961–1970) el grupu contra la guerra Women Strike for Peace y dempués la organización National Women's Political Caucus.
Na Cámara de Representantes (1971–1977) foi famosa pol so estravagante estilu, la so oposición a la Guerra de Vietnam y el so esplícitu respaldu a la Enmienda pola Igualdá de Derechos, el derechu al albuertu y la llexislación pol cuidáu infantil. Morrió d'un infartu al corazón.[5]